शेकोटी..! :-)

♥
♥क्षण..! ♥

शेकोटी..!

थंडीच्या ऋतुत बघ शेकोटी पेटली आहे,
याने त्याने नव्हे, तर प्रेमाने शेकली आहे..

आता कसली काळजी तू करू नकोस,
तुझी माझी गोष्ट गावभर पसरली आहे..

थोडं लोकांच्या शेरेबाजीला सांभाळून घे,
कोवळ्या वयाची खमंग चर्चा रंगली आहे..

प्रेमाला कधीही प्रेमळ शिक्षा मिळत नसते,
निखाऱ्यांनी भाजून मला पिडा दिली आहे..

अजूनही बसतात मला चटके इथे, तरीही
विस्तवाशी खेळण्याची सवय झाली आहे..

तू तुझ्या उचक्यांना सांभाळून घे, आज मी
आठवणींची विझली शेकोटी फुकली आहे..!
- ✍ मृदुंग®
kshanatch@gmail.com
+९१ ७३८७९ २२८४३