बाटलेला..! :-)

♥
♥ क्षण..! ♥

बाटलेला..!

कुणास ठाऊक आभाळ का फाटला आहे
सुख वेचता-वेचता दु:ख मी लाटला आहे,

थोडसे समजवून सांग आयुष्या हा हिशेब
काल परकं आज आपलं का वाटला आहे,

खोट्या जगण्याचा गाडा आजवर कशास
पुढे-पुढेच ज्याने-त्याने का हाटला आहे,

ठिगळ लावलं होतं म्हातारीने लुगड्याला
मायेच्या जिर्ण पदरात उर का दाटला आहे,

इथे पत नव्हतीच ना प्रतिष्ठा होती माझी
ऐपत म्हणून माझा तळवा का चाटला आहे,

सरिता म्हणून वाहात गेली गावा-गावात
शहरा-शहरातला समुद्र का आटला आहे,

नको देऊस पुरावा आता कशाचा नशिबा
नियतीच्या चक्रात जातीने मी बाटला आहे..!
---------------- © मृदुंग
kshanatch@gmail.com