उद्रेक..! :-)

♥

♥ क्षण..! ♥

उद्रेक..!

मी.. गुलमोहर वठलेला

अन् तू तुळस अंगणातली,

नाद-निनाद म्हणे मंदिरी

ओठी अंगाई तू गायलेली..

भाव आरोही-अवरोही

शृंगार भरती-आहोटीही,

मर्यादेत चौकट-प्रतिष्ठा

घराण्यात भले बुरसटही..

आव तेवढाच हा वाव

सप्तपदीला काडी लाव,

चूल-मूल भ्रांत सामाजिक

दावणी तुझीही पारंपरिक..

कणा ताठ, तोऱ्यात माठ

डोळा दिसे नागडी पाठ,

आवळे फास रेशीम गाठ

वांझ दुधाळ नदीचा काठ

मांडवात शह आणि मात

षंढ नात्यांचे कुत्सित घात,

विलाप ना ऐकला आक्रोश

अर्पिली समिधा भाजत हात..!

------------------------ ✍ मृदुंग®

kshanatch@gmail.com

७३८७९२२८४३