प्रकरण..! :-)

♥
♥ क्षण..! ♥

प्रकरण..!

पत प्रतिष्ठेचा मग प्रश्न उभा राहतो,
सपाट चेहऱ्यावर मला डाग दिसतो..

बदलून जातात माणसे वचन देऊन,
शपथ मग मी ही गिळून घेत असतो..

अतृप्त गिधाडे लचके तोडतात माझी,
मी प्रेत होऊन हा तमाशा बघत राहतो..

मला वाटतं नाही काही, जाणवत नाही,
प्राक्तन माझं मी विषारी बनवून टाकतो..

कर्मठ चाड आसक्त बनवते माणसाला,
मी नास्तिक होऊन पाषाण पुजत जातो..

वलय असतात अवती-भोवती माझ्या,
या भ्रमात शिदोरी माझी वाटत राहतो..

हात पसरून माझंच मागणं मागतात,
मी ओठांवर उसने हासू ठेवत राहतो..

कधी वाटतं धुडकावून लावावे सगळे,
पायदळी मलाच मी तुडवून काढतो..

अवचित येतात अशी प्रसंगे अंगाशी,
प्रकरण माझंही मी निकालात काढतो..!
- ✍ मृदुंग®
kshanatch@gmail.com
+९१ ७३८७९ २२८४३