फेसबूक ढाबळ..! :-)

क्षण..!

फेसबूक ढाबळ..!

(पात्रे : स्टेटस, लाईक, कमेंट, शेअर, पोक)

स्टेटस : what's on your mind? लय उकडतंय..! फिलिंग hot.. hot..hot..! :-(

लाईक : आलास मुडद्या? आता गर्दी होईल अन् माझा घाम निघेल. >:(

कमेंट : सेम हिअर..! या लाईकच्या समुद्रात मी तरंगासारखी असते हलकी-फुलकी. ^_^

शेअर : लिहायचा कंटाळा करणारी माणसे मला कामाला लावतात. :-/

पोक : काही काम नाहीये का तुम्हा लोकांना? घामाच्या धारा निघतांना दिसतायेत तरी तिथे माझं बोट... शी! किळस येतेय..! :-|

लाईक : थम्स अप करुन ठेंगा दाखवायला काय मजा येतेय कळत नाही मला. असे वाटते लहानपणी अंगठा चोकण्याची हरवलेली सवय अथवा इच्छा पुर्ण करत आहेत. (y)

कमेंट : होत असं कधी कधी..! बेकार असलेला माणुसही घामात भिजतो एव्हढ काय विषेश..?

स्टेटस : अगं कमेंट तू अशी टिकटॅाक टिकटॅाक चालत बोलत असतेस मला आवडते..! <3

कमेंट : हो का? पण तु मला अजिबाद आवडत नाहीस? :-/

स्टेटस : का बुवा?

कमेंट : तू आलास ना कि सगळ्यांना तोंड फुटते आणि ही बावळट लाईक आरसपाणी सौंदर्य समजून स्वत:चे भाव खाते. एकदा काही चांगलं वाईट बोलले कुणी तरच तू दखल घेतो माझी अन्यथा तिथेही लाईकच करतो तू..!  :-/

लाईक : (मध्ये तोंड मारत) जळतंय कुणी तरी..! :-D

शेअर : रताळे यांचे काय शेअर करु हाड..! :x

स्टेटस : असे नाही गं कमेंट! माझ्या मागे तुझंच नाव घेतात सगळे..!

कमेंट : नो उल्लू बनावींग.. नो उल्लू बनावींग..! >:o

पोक : (उतावळेपणाने) मी काही बोलू..? मी काही बोलू..? -_-

स्टेटस, लाईक, कमेंट, शेअर (एकत्र) : नको, एव्हढे पुरे आहे..! :-) :-)
.
© मृदुंग
kshanatch@gmail.com