क्षण......

!!! ओढ !!! भाग - (२)

ही ओढ कसली लागलीये मला
हे मला न उमजे
सांग सखे या ओढीलाच सगळे
प्रेम का समजे

तुझा सहवासाच्या क्षणात रमावेसे वाटते
हॄदयात मझ्या तुझीच साठवण
मझ्या मनाची गुंतागुंत वाढवत राहते
व्याकुळ करते तुझीच आठवण

बस आता नाही सहन होत दुरावा
सखे सोड आता तरी हा अबोला
येवुन विरघळ मझ्या मीठीत
सामवून घेईल माझ्यातच तुजला

उघड्या डोळ्यांसमोर माझ्या
तुझ्याच आठवणींचा पडदा पडतो
जगाचा विसर पडतो मला
असा तुझ्यातच कसा मी गुंततो


कसली ओढ लागलीये मला
तशीच ओढ लगलीये काग तुला
सांग सखे आज तु मला
विरह नाही ना सहन होत तुला

पियुष
२४/१२/०९

मन माझे.....

उदास मनावर उदासीनतेची पडली आहे
सावली ओठावर हसू आज येतच नाही

मनात हुंदका दाबून जागा समोर प्रयत्न करतोय
हसण्याचा सारखा, पण साल ! जमतच नाही

माझी उदासीनता न सांगताच कळली होती तिला
नेहमी प्रमाणे जरा एकांतात राहायचे होते मला

शब्दांनी न बोलताच डोळ्यांनी बोलली फक्त, जास्त
विचारात राहू नकोस वेड्या स्वप्न तुझीपण तुटली

उदास स्वप्नांची ही शीदोरी असेल नशिबी
मनच नसते ठिकाणावर तरी स्वप्न पाहायचे कसबी

पुन्हा उदासीनता झटकून पांघरून घेईल आनंदी
कुणाच्या सुखासाठी का असेना राहील सदा आनंदी

सदानंदी राहतांना क्षणिक उदास राहते मन पण
आठवणीत सदा कुणासाठी तरी झुरत राहते मन

पियुष
१७/१२/०९

तूच माझी.........

माझे पहीले वहिले प्रेमपत्र
तुझे झिडकारून फाडणे
माझे ते घायाळ हृदय
तुझे ते मघाळ बोलणे

तुझे मेघांसारखे बरसणे
तुझी ती घट्ट मिठी
तुझे सौंदर्य मला मोहने
तुझे वर्णन माझ्या ओठी

माझ्या एकांताचे पेटते मन
तुझ्या विरहाची गाणी
माझ्या विरहाचे दान
तुझी भिजलेली पापणी

तुझ्या त्या गुलाबी ओठांना
माझे ते ओघळत स्पर्शने
तुझ्या मनाची घालमेल
माझ्या आनंदाची स्पंदने

तुझा डोळ्यातला लटका राग
तरी माझे तुलाच पाहणे
माझ्या नुसत्या खोड्या
तुझे ते सुमधुर लाजणे

तुझ्या ओठातले अबोल बोल
माझ्या ओठातले शब्दाश्रू
तुझ्या पायातले ते काटे
तुझ्या डोळ्यातले ते अश्रू

तुझे ते क्षणातील गूढ हसणे
जणू गालावरची मोहक खळी
माझे अंगभर नुसते शहारणे
जणू गुलाबाची नाजूक पाखळी

तुझ्या हृदयातले माझे प्रेम
तुझ्या सवेत जीवनाचे नवीन रंग
तुझ्या माझ्या आठवणींचे क्षण
आयुष्यभर राहतील माझ्या संग

ते चित्र तुझे माझ्याच नयनी
तुझ उदास माझ्याविना बसने
डोळ्यात माझ्या तुझेच प्रतिबिंब
दिसत समोर मी तुझे मोहरणे

तुझ्या सवेत प्रेमाची नवी सुरुवात
तुझ्या सवेत जीवन जगण्याचा अर्थ
तुझ्या प्रेमाच्या मनमोहक सुगंधात
तुझ्यातच गवसलेला माझा परमार्थ

तुझा चेहरा म्हणजे चांदण्यातील चंद्र
तू माझे एका रात्री पाहिलेले स्वप्न
शीतल प्रकाशातील मनमोहक दृश्य
तु माझे सकाळी तुटलेले अधुरे स्वप्न

जुन्या अनुभवातून नवीन शहानपण
जुन्या रडकथे नंतर नवीन हास्य कथा
पुन्हा तोच फुलपाखरू उमलत्या कळीवर
तुझ्या प्रेमाच्या बेरीज अन वजाबाकीची गाथा

नभात मेघ दाटुनी पडलेली अंधारी
एका दवबिंदू प्रमाणे माझ्यात तुझे ओघळणे
क्षणात पावसाच्या आलेल्या जणू सरी
एका थेंबा प्रमाणे माझ्या मिठीत तुझे विरणे


मृदुंग
०३.०१.२०१०

!! ओंजळीत माझ्या !!

नात्यांचे नाजूक धागे
प्रेमाने गोंजारले तिने
सोबत देऊन तिला
माझे नवे जीवन गाणे
.
तुरु तुरु चालत
येते मिठीत माझ्या
तोतळ्या बोलांनी
गुंतवते मनास माझ्या
.
आहे थोडीशी खट्याळ
पण गोष्टी करते समजुतादारीच्या
मोठ्यांना सुद्धा खडसावून सांगते
महत्व आनंदी क्षणांच्या
.
सावली सारखी सोबत
मागे पुढे तिची बाहुली
शोधू कुठे तिला
जगाला या रुसून बसली
.
जीवन तरी जगणे चालू आहे
भेटेल तिच्या सारखे कोणी
पण त्या वेडीला नाही समजले
हृदयात तिची जागा नाही घेवू शकणार कोणी
.
ओंजळीत ठेवून गेली माझ्या आठवणी
हृदयाच्या चोर कप्प्यात तिच्याच आठवणी
का असा देव दुष्ट व्हावा
ओंजळीनेच तिच्या प्रेताला मुठ-माती मागवा !!
.
मृदुंग
०५.०३.२०१०

!! तरी आज खंत नाही... भाग -(१) !!

तरी आज खंत नाही
लेखनी हरवली तरी
कोरले जातात शब्द
मनावर घाव उमटले जरी
.
सहन करुन अयुष्याच्या
शेवटी काय उरनार
पैसा, संपत्ती सर्वेकाही
मातीचे मोल मातीतच जानार
.
दुरावले नाते आपले
काही क्षणांच्या अविश्वासाने
जरी असलो आपन असमंजस
पुन्हा एकत्र येवु विश्वासाने
.
नाविण्याने सुरुवात करु
नात्यांच्या नाजुक साखळींची
जोडणी देवु तयांना
भावरस काव्याच्या ओळींची
.
नात्यांचे फ़ुल आपुले
सरत्या काळानुसार बहरेल
सोबत राहा तु फ़क्त
एव्हडेच तुला मागीतले
.
मॄदुंग
०६.०३.२०१०

तरी आज खंत नाही (भाग -२)

.
तु मझ्या सोबत नसलीस तरी
आठवणी राहातील सदा सोबती
.
काळानुसार सरत गेलो जरी
परतुन तुझ्या समोर उभा रहील
.
कॉलेज मधे पहील्यांदा पाहीले
तुझे साधे निरागस डोळे तरी
.
ओठांना शिवन अबोलाची
स्पर्षाची भावना न कळे मज जरी
.
पहील्यांदाच भेट झाली
माझी एकांतात तुझ्यशी तरी
.
काय बोलवे तुझ्याशी
अजुन कळले नाही मला जरी
.
अबोला हाच आपल्या दोघांमधे
मंगळा सारखा असला जरी
.
एक दिवस शितल चांदण
आपल्या नात्यात पडेल तरी
.
जगुया याच आशेवर
भेटू परत त्याच वळणावर जरी
.
परतू आठवणीत परत तुटलेले
स्वप्न तु माझी असलीस तरी
.
मृदुंग
०३.०३.२०१०

!! आई म्हणजे आई !!

आई म्हणजे आई
वात्सल्याची दाई
प्रेमाची शाई
अशीच असते आई....
.
मुलांची तळमळ बघून
अश्रू गाळणारी आई
पोटच्या मुलाच्या सुखासाठी
"स्व" अपेक्षांचे बलिदान देणारी आई....
.
जन्मल्या पासून एका
फुला प्रमाणे जपणारी
भरारीचे पंख फड्कवतांना
डोळे भरून पाहणारी आई....
.
आजारी पडल्यावर रात्र
रात्रभर उशाशी बसणारी
मुलांची पोट भरून स्वतः
अर्धपोटी निजणारी आई....
.
मुलांच्या सुखी आयुष्याची
तोंड भर स्तुती करणारी
सुनेलाही मुली सारखी
वागणूक देणारी आई....
.
खरच आईला जे जमत
ते कुणालाच जमत नाही
आई विना काहीच नाही
आई पुढे देव ही लागत नाही....
.
मृदुंग
११.०५.२०१०

काही मनातल काही विचारांतल !!

लिहावास वाटत आहे काही तरी
काही मनातल काही विचारांतल
.
उमटवावेस वाटत आहे काहीसे
काही मनातल काही विचारांतल
.
सांगावस वाटत आहे कुणाला तरी
काही मनातल काही विचारांतल
.
समजवावेस वाटत पुन्हा एकदा
काही मनातल काही विचारांतल
.
जगावस वाटत आहे पुन्हा एकदा
काही मनातल काही विचारांतल
.
बघतोय लावुन आयुष्याचा हीशोब
काही मनातुन काही विचारांतुन
.
जोडली जातात काही नाते असेच
काही मनातुन काही विचारांतुन
.
प्रेम की मैत्री समजव एकदा
थोड मनातुन थोड विचारांतुन
.
स्वप्नच तु सत्यात उतर आता
थोड मनातुन थोड विचारांतुन
.
जा तोडुन टाक बंध समाजाचे
काही मनातुन काही विचारांतुन
.
घेयची आहे उंच भरारी आता.
काही मनातुन काही विचारांतुन
.
जग आता निवांत नभाकडे पहात
काही मनातुन काही विचारांतुन
.
.
मृदुंग
०७.०६.२०१०
.
{मनाला आणि विचारांना तसा अंतच नसतो लिहिल जितक
काही मनातुन किंवा काही विचारांतुन तितक
बरचस काही लिहायच राहुनच जाईल.......}
.
"खुप काही मनातल खुप काही विचारांतल"

!! मृदगंध !!

काळ्या ढगांची गस्त वाढू लागते
उन्हही बेपत्ता झालेली असतात
नकळतच मन भरुन येत अन आभाळ
भर दुपारीच अंधाराच साम्राज्य पसरवतात

क्षणांत आठवणींच्या छतावर
ढगांची ये-जा असते
चम-चमणा-या विजेची
दादागीरीही कमी नसते

अनायसे अशावेळी मी
बाहेर पहात असतो
क्षणाचाही विलंब नसतो की,
जमीनीवर पाऊस तुटून पडतो

वातावरणात गारठा रेंगाळत राहतो
अंगावर काटा उठत राहतो
कड कडाट! ढुम! फSSट्टा
करत विजेच पात लकाकतो

आठवांणी मन ओल चिंब करतो
निगरगट्ट आठवांचा चिखल तुडवतो
वारा! वादळ घेवुन अंगावरच येतो
क्षाणातच मन भिजवायला अडवतो

कितीही आठवांच आभाळ भरल
तरी आज धुंद भिजणार नाही
क्षणा-क्षणात कितीही उरल
तरी आज मृदगंध दरवळणार नाही
.
मृदुंग
१६.०७.२०१०

@ किती कठीण असत नाही @

किती कठीण असत नाही
कुणावर प्रेम करण
कुणाच्या तरी आठवणीत
मनातल्या मनात घुटमळण

कुणासाठी तरी रोज साजन
आयुष्याची स्वप्न रंगवण
कुणालातरी खूप सतवण
अन गालातल्या गालात हसन

मिटलेल्या पापण्यात कुणालातरी पाहन
अन स्वताशीच खुदकन हसन
कुणासाठी तरी उशीत खूप रडण
अन कुणासाठीतरी रोज झुरण

ते फक्त एक स्वप्न होत
स्वतालाच समजावून सांगण
'स्वत:च' आयुष्य माझ कधीच नव्हत
कुणाचतरी स्वप्न म्हणूनच आता तुटण
.
क्षण
०३.०९.२०१०

!! होती एक स्वप्न वेडी !!

ओठांवर हसू देणारी
हृदयाचा ठेका चुकवणारी
सत्यातून स्वप्नात रमणारी
क्षणातच मनात डोकवणारी ........................ होती एक स्वप्न वेडी !!

गालातल्या गालात हसणारी
डोळ्यांनीच बोलत राहणारी
पापण्यांच्या कडा भिजवणारी
सुखात दुखाला विसरणारी ........................ होती एक स्वप्न वेडी !!

लाटेसोबत खेळणारी
वाटेवर नजर खिळवणारी
पावलांशी पावले मिळवणारी
मनाशी मन जुळवणारी ..............................होती एक स्वप्न वेडी !!

स्वप्नातच स्वताला हरवणारी
सत्य हेच एक स्वप्न म्हणणारी
वास्तवात "स्व" हरवून बसणारी
कल्पनेतच मन रमवत राहणारी .................... होती एक स्वप्न वेडी !!

तुटतील तरी स्वप्न पाहणारी
तुटलेल्या स्वप्नांची कारणे शोधणारी
कशी पडतात ही स्वप्ने चांदणीला विचारणारी
अशाच एक स्वप्नात रोज भेटणारी.....................होती एक स्वप्न वेडी !!

तुझे स्वप्न माझेच
म्हणून भांडत राहणारी
विस्कटलेल्या आयुष्याचा खेळ
नव्याने मांडत राहणारी................................ होती एक स्वप्न वेडी !!

घरभर पसरलेले मोती
क्षणा-क्षणात वेचणारी
शब्द वेड्याच्या कविता
पाना-पानात वाचणारी..................................होती एक स्वप्न वेडी !!
.
क्षण
१८.११.२०१०

जोकर बनून कुणाला हसवण खरच फार कठीण असत !!

जोकर बनून कुणाला हसवण खरच फार कठीण असत,
कारण हसणाऱ्या प्रत्येकाकडे हसण्यास खर कारण नसत...

जोकर बनून स्वतःच स्वतःची टिंगल मी उडवावी,
उद्देश इतकाच गालावरची खळी तिची अधिक गहिरी व्हावी..

आपल्याच छोट्या-छोट्या गोष्टींवर हास्याचे फवारे बहरत राहावे...
जीन्स-टॉपची सवय असलेल्या तिला एकदा नऊवारीत लहरताना पाहावे....

निखळ हास्याकरिता तिच्या मी अंतरीचे दुःखे झाकावीत....
भाळूनी त्या खळीवर प्रियेच्या सारी सुखे ओवाळून टाकावीत...

एक हसतमुख विदुषक म्हणून जन्मुनी तिच्या जगात हास्य पसरावे...
जोकर म्हणुनी का होईना स्मरूनी मला, तिने सारे दुःख विसरावे...
.
क्षण
१८.११.२०१०

काहीतरी चुकतंय......!!
.
पुढे जावून पावले मागे वळतात
क्षणात नजरा कासावीसच होतात
मनातच काहीतरी खूप खदखदत
काहीतरी चुकल्या सारखच वाटत

काय चुकलंय कळत नसत
का लहरी मन बेचैन असत
काय चाललंय लक्षात नसत
शून्यातच कुठेतरी मन असत

मनात विचारांची घालमेल अन
चटकन शंकेची मनात चूक-चुकते
काही बर वाईट तर नसेल ना
मनच मनाची समजूत घालते

काहीतरी चुकतंय पण काय
सगळं निट सुरळीत सुरु असतांना
मन कशात तरी राहिलंय हरवलंय
आयुष्याची पहिली सुरुवात असतांना
.
मृदुंग
०४.०२.२०११

"माझी मैत्रीण "

अल्लड खट्याळ बोल घेवडी
चंचल निरागस ती प्रेम वेडी

रागावून घालते हाताची घडी
स्वप्नात रमलेली प्रेम वेडी

तार प्रेमाची ह्रुदयात ती छेडी
प्रियसी प्रेमाची ती प्रेम वेडी

क्षणा- क्षणात ती नाती जोडी
क्षणी त्या आठवांची प्रेम वेडी

मनाला माझ्या तिची गोडी
निस्वार्थी मानाची प्रेम वेडी

स्वार्थ ना कशात तिला मोडी
स्वार्थी विश्वासाची प्रेम वेडी
.
मृदुंग
२४.०४.२०११