पुन्हा तुझी आई होणार नाही..! :-)

♥
♥ क्षण..! ♥

पुन्हा तुझी आई होणार नाही..!

आईला नमस्कार सांग माझा...
घरी येऊन घालून जा दंडवत...
नको परत किटकीट करेल...
हे असं ते तसं उणेदुणे काढेल...
निरोप मी देणार नाही एवढं नक्की!
वाटेत भेट झाली का ती विचारेल...
माहीत आहे तिचं मन तर भेट घे!
घर वाटून घेतलंस आई वाटू नकोस...
बायकोला घेऊन काश्मीरला जातोय...
आईला कोपऱ्यावरच्या मंदिरात नेलं असतं एकदा...
तू आईचा पदर सोडला नाहीस, तुला नाही कळायचं!
हम्म! घे शिरा पाठवलाय आईने घरी ने आणि खा...
माझं स्टेशन आलं लोकल पुन्हा निघाली...
दारात आई भेट झाली का रे मोठ्याशी, कसाये?
आहे तसाच! ये बस रसमलाई आणलीय तुला आवडते ना...
कशाला आणल? शुगर वाढते ना! शिऱ्याचा डबा घेतला?
हो! दोन वर्ष झाली रे एकदाही भेटला नाही मला नेशील?
एकदा भेटव तुला न त्याला सारखेच वाढवले जपले..
"आई" होण्यात कुठं कमी पडले विचारायचं आहे...
बरं! जेवून घे, गार होतंय सगळं... की, भरवू?
भरंव.. आहा! ते गीत बदलायला हवं आता..
कोणतं?
मोठी होतात मुलं आई मोठी होत नाही...
एकटी एकटी घाबरलीस ना..?
आमची आई बघा आणि सांगा लेकरु कोण..?
नालायका! थांब तू..!

आणि मग काळ येतो..

मोठा औपचारिक येतो, कर्तव्य निभावतो...
भडाग्नी देतांना, काही बोलली का रे आई..?
हो! पुन्हा तुझी आई होणार नाही इतकंच..!
------------------------ ✍मृदुंग®
kshanatch@gmail.com
७३८७९ २२८४३