साधी माणसे..! :-)

♥
♥ क्षण..! ♥

साधी माणसे..!

दुपारचं कधी झोपत नाही. आज झोपलो. कदाचित डोळा वैगेरे लागला असावा. जिवाभावाची फेसबुकची साधी माणसे पैकी सखीने नंबर फिरवला. पाच वर्षाच्या मुलाचा वाढदिवस आहे. ग्रिटींगसाठी मजकूर दे! प्रिंट थांबलीये लगेच व्हॉटसअप कर. मला काही सुचत नाहीये. झोप काही उघडली नव्हती. अर्ध्या झोपेतच मजकूर लिहून पाठवून दिला. आता मॅसेज फेर तपासले तेव्हा संभ्रमात पडलो. हे काय पाठवून बसलो? सखीला फोन केला. तीनवेळा केला छापलेस का म्हणून पण उचलला नाही. जरा वेळाने तिने फोन केला. रिसिव्ह करून कानाला लावून विचारणार होतो की, तिची बडबड सुरु झाली. मजकूर छान होता. प्रिंट आली की पाठवते. मी कपाळावर हात मारला. व्याकरण चुका होत्या काही त्या मजकुरात. सुधरवल्या मी! हे ऐकुन जीव भांड्यात पडला. चला, झालं. अर्ध्या रात्री जाहिरात पंच लाईनसाठी प्रिंटला असलेला पेपरही एकाने मध्यंतरी थांबवला. आमचा इजन्सिचा कॉपी रायटर माती खातोय. काही ओळी पाठव. क्लाएंटने विट आणलाय. त्यालाही अर्धवट झोपेतच मजकूर दिले. सकाळी पेपरात रात्रीचे उद्योग प्रसिद्ध झाले होते जाहिरात नॅशनल लेव्हलची होती. बरेच चांगले रद्दड लिखाण झोपेत पूर्ण होतात याची पोचपावती अशीही मिळते. यात अजून एक किस्सा असा एक मानलेली बहीण स्वतः लेखिका दोनचार ईबुक स्वतःच्या नावावर खपवलेली. माझ्या लग्नाच्या पत्रिकेसाठी ओळी दे, दोनचार मला चांगलं काही सुचत नाहीये. फोनवर बोलता बोलता मजकूर लिहायला लावला. सांगितला तसा मजकूर पत्रिकेत आला म्हणून लग्नाला जाने टाळले. एकंदरीत हे सांगण्याचा प्रपंच असा की, अर्धवट झोपेत खोळंबलेली कामे पूर्ण होतात. फक्त अशी साधी माणसे संपर्कात असणे आणि योग्यवेळी त्यांना तुमची आठवण होणे हितार्थ असते. आयुष्यभर तुम्हाला लक्षात ठेवतात. लिहायला येत याचे श्रेय घेण्यापेक्षा लिखाण उपयोगात येतं हे खूप काही देऊन जाते..!
- ✍ मृदुंग®
kshanatch@gmail.com
+९१ ७३८७९ २२८४३