उरतं..! :-)

♥
♥ क्षण..! ♥

उरतं..!

घर आपलंच असतं न्
भिंती परक्या वाटतात,
अंतर क्षितिजा एवढंच
वाटा थोडक्या दिसतात..
कदाचित, असं नसेलही
तरीही सारं धूसर वाटतं,
भरल्या घरात कोण जाणे
कसं काय? पण दूध फाटतं..

अंतर कमी करता-करता
अजून अंतरे मैलांची होतात,
थोडं मागे चालत यावं तर
सर्वी दारं बंद झाली असतात..
मन लागतं, गुंतवून ठेवलं जातं
आतल्याआत त्याचं तुटण लपतं,
सांगणार कुणाला? सगळ्यांना?
त्यांना तर सगळंच कळतं-समजतं,
मला सांग आता बाकी काय उरतं..?
------------------------ ✍ मृदुंग®
kshanatch@gmail.com
७३८७९२२८४३