फ्लॅटमेट..! :-)

#पुणे
#समजदारफ्लॅटमेट

तो : काय रे हा गावंढळ अवतार घेऊन कुठं निघालास?
मी : सदाशिवपेठेत जोशी काकूंकडे!
तो : अच्छा? म्हणजे त्यांचं बीपी वाढवून तू परत येणार.
मी : मी कशाला त्यांच बीपी वाढवू? असले आजार या जो.... श्यांना जन्मजात चिकटलेले असतात.
तो : मग आपल्या श्री मुखात ठेवणीतले शब्द, स्वभावात गोडवा आणि आचरणात सभ्यता घेतलीस ना सोबत?
मी : अवतार गावंढळ ओळखलास ते बरोबर होतं. त्यावरून समजायला हवं होतं तुला. माझ्या गटारीत सगळं काही तुंबल आहे.
तो : म्हणजे तू त्यांचं बीपी वाढवणार आणि या शुगर फ्री ग्लुकोजच्या बिस्कीटांनी उपकारपण करणार हो ना?
मी : अगदी बरोबर!
तो : अरे पण हे उगाच नाही का?
मी : आमंत्रण त्यांनी दिलंय मला.
तो : म्हणजे तू सोडणार नाही?
मी : मी सोडून दिलंय. आता तोडून येतो. दे गाडीची चावी.
तो : माझा नमस्कार सांग.
मी : कुणाला?
तो : जोशी काकांना!
मी : चल ना सोबत स्वतःच घाल नमस्कार! जावयाला पाहून आणखी बरं वाटेल त्यांना.
तो : मग मी तुला पुन्हा नाही दिसायचो.
मी : मला चालेल तसाही तुझा वैताग आलाय मला.
तो : फार बोलू नकोस हं.
मी : त्यांनी फार ऐकू नये अशी प्रार्थना कर! पण तुझं दुर्दैव असं की त्यांनीच त्यांच्या लग्नाचं फलित म्हणून प्रार्थना केलीये जी तुझ्या प्रेमात पडलीये. तिलाच आता तुला आयुष्यभर राटावं लागेल. बाकी जोशी आज चक्कर येऊन नक्कीच पडतील एवढी माझी खात्री..!
चल बाय..!
(फ्लॅटवरुन निघून चौकात थांबलो. स्टेट्स टाकला. पोस्ट झाली फोन बंद करुन पुढं मोर्चा वळवला)
#इतकंच
------------------------ ✍ मृदुंग®
kshanatch@gmail.com