विसावा..! :-)

♥
♥ क्षण..! ♥

विसावा..!

क्षणांमध्ये रमलेला
क्षणभंगुर विसावा,
जणू उनाड तडस
मी श्रावण म्हणावा..

अनभिज्ञ क्षत्रियाचा
तो वेध अचूक व्हावा,
मुकी श्वापदे करुण
हिंस्त्र दशरथ बनावा..

आक्रोश जन्मदात्याचा
पुत्र वियोगात देह टाकावा,
अजाण वंशाचा दिवाही
कस्तुरी हट्ट पुरवत राहावा..

युद्ध पुकारलं, जिंकलही
स्त्री संशयित राम उरावा,
मर्यादा पुरुषोत्तम नव्हेच
रावण तेव्हा भला सांगावा..

थोडं थांबणं झालं, अविवेकी
तुळस जाळून अभंग का गावा?,
पेटवून भव्य चिता अंतर्मनात
रामराज्य निव्वळ एक कांगावा..

आता जरा विसावू या वळणावर
कुटीबाहेर राम-रावण याचक ऱ्हावा,
दान संशयाचे एकवटून सांगा मी
पुन्हा-पुन्हा राम कशाला पुजावा..?
------------------------ ✍ मृदुंग®
kshanatch@gmail.com
७३८७९२२८४३