♥
क्षण..!
सांज गेली..!
उधळून रंग माजवून काहूर
जराशी रेंगाळून सांज गेली,
माझा मी राहावा कागदावर
शब्दांत भुलवून सांज गेली..!
भेटली तू अशी क्षितिजावर
तुझ्यात गुंतवून सांज गेली,
धावतच आलेल्या लाटेवर
किनारा घडवून सांज गेली..!
नभातल्या नग्न चांदण्यावर
बगिचा फुलवून सांज गेली,
सजवल्या भग्न स्मशानावर
झोका झुलवून सांज गेली..!
म्हणावे आता कसे मी तुला
उभी रात्र खुलवून सांज गेली,
जाळून सखे स्वत:च मी मला
आलिंगण देऊन सांज गेली..!
कोरड्या थेंबात चिंब भिजवून
श्वासात गंधाळून सांज गेली,
वेड मला म्हणे माझेच लावून
जगाला वेडावून सांज गेली..!
---------------- © मृदुंग
kshanatch@gmail.com
No comments:
Post a Comment